Установа культуры «Гудзевіцкі дзяржаўны літаратурна-краязнаўчы музей»

Музей створаны настаўнікам А. М. Белакозам ў 1968 г. як школьны музей. У 1990 г. музей набыў статус дзяржаўнага. Сёння да ўвагі наведвальнікаў, акрамя пастаянннай экспазіцыі, якая размешчана ў 10 залах, прапаноўваецца агляд сялянскай сядзібы. Музейны збор на 01.01.2012 г. налічваў 15772 адзінкі асноўнага фонду і 4910 адзінак навукова-дапаможнага фонду. Гонар музея — калекцыя вырабаў у тэхніцы падвойнага ткацтва канца XIX-XX стст. У музеі праводзяцца аглядныя, тэматычныя і тэатралізаваныя экскурсіі, музейныя заняткі, праходзяць лекцыі, ладзяцца разнастайныя выставы, масавыя мерапрыемствы. Наведвальнікам прапануецца анімацыйная праграма "Калі ласка, у хату!". Пры музеі працуе ткацкі гурток, дзе ўсе жадаючыя могуць асвоіць тэхналогію ткацтва на кроснах. У 2011 г. статус нематэрыяльнай каштоўнасці прысвоены тэхналогіі падвойнага ткацтва, якая захоўваецца супрацоўнікамі музея.
Першы нацыянальны форум "Музеі Беларусі". Каталог музеяў. Міністэрства культуры Рэспублікі Беларусь, 2012.Дадатковыя крыніцы аб музеі:Гудзевіцкі дзяржаўны літаратурна-краязнаўчы музей. Ekskursii.byГудзевіцкі дзяржаўны літаратурна-краязнаўчы музей. Музеи Беларуси вместе с БЕЛКАРТ